ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ GSEB , ગાંધીનગર દ્વારા માન્યતા પ્રાપ્ત રાજ્યની તમામ માધ્યમિક અને ઉચ્ચતર માધ્યમિક શાળાઓના સંચાલકશ્રી, આચાર્યશ્રીઓ, શિક્ષકશ્રીઓ તથા વહીવટી કર્મચારીઓને જણાવવાનું કે, શૈક્ષણિક વર્ષ 2022-23 થી વાર્ષિક નિરીક્ષણ અહેવાલ ભરવાની કામગીરી ઓનલાઇન કરવામાં આવેલ છે.
શૈક્ષણિક વર્ષ 2023-24 માટે વાર્ષિક નિરીક્ષણ અહેવાલ ઓનલાઇન ભરવા માટેનો સમયગાળો તા.07/11/2023 થી તા.15/12/2023 સુધીનો રહેશે. શાળા દ્વારા બોર્ડની વેબસાઇટ www.gseb.org અથવા ir.gseb.org પરથી શાળાનાં ઇન્ડેક્ષ નંબર તથા પાસવર્ડનો ઉપયોગ કરી શૈક્ષણિક વર્ષ 2023-24 માટે વાર્ષિક નિરીક્ષણ અહેવાલ ભરી શકાશે.
વાર્ષિક નિરીક્ષણ અહેવાલ ઓનલાઇન ભરવા અંગેની સૂચના બોર્ડની વેબસાઇટ પર મૂકવામાં આવેલ છે. નિયત સમયમર્યાદામાં તમામ શાળાઓને શૈક્ષણિક વર્ષ 2023-24 માટે વાર્ષિક નિરીક્ષણ અહેવાલ ફરજિયાત ઓનલાઇન ભરવા જણાવવામાં આવે છે.
— MyGujju (@MyGujju) November 7, 2023
