લગ્નની સિઝન શરૂ થતાં જ સોનું-ચાંદીના ભાવમાં ધરખમ વધારો , જાણો આજના ભાવ

• લગ્નની સિઝન શરૂ થતાં જ સોનું-ચાંદીના ભાવમાં ધરખમ વધારો
•  સોના અને ચાંદીના ભાવમાં આજે વધારો જોવા મળ્યો
•  સોનું આજે રૂ. 61,074 પ્રતિ 10 ગ્રામ પર ખુલ્યું
• ચાંદી આજે રૂ.72,960 પ્રતિ કિલોના સ્તરે ખુલી

ગુરુવારે એટલે કે 23 નવેમ્બરે વાયદા બજારમાં ફરી એકવાર સોના અને ચાંદીના ભાવમાં વધારો જોવા મળ્યો . બંને મલ્ટી કોમોડિટી એક્સચેન્જ પર લીલા નિશાન પર ખુલ્યા છે. સોનું વાયદા બજાર રૂ. 61,074 પ્રતિ 10 ગ્રામ પર ખુલ્યું હતું. ત્યારબાદ તેની કિંમતમાં વધુ વધારો જોવા મળ્યો છે. બુધવારની સરખામણીએ સોનું 117 રૂપિયા અથવા 0.19 ટકા વધીને 61,141 રૂપિયા પ્રતિ 10 ગ્રામ થઈ ગયું છે. બુધવારે સોનું રૂ. 61,031 પર બંધ થયું હતું.

ચાંદીની ચમકમાં વધારો

સોનાની સાથે ચાંદીના ભાવમાં પણ વધારો જોવા મળી રહ્યો છે. પ્રારંભિક તબક્કામાં ચાંદી રૂ.72,960 પ્રતિ કિલોના સ્તરે ખુલી હતી. ત્યારબાદ તેની કિંમતમાં થોડો વધારો જોવા મળ્યો છે અને તે ગઇકાલની સરખામણીમાં 131 રૂપિયા એટલે કે 0.18 ટકાના વધારા સાથે 72,957 રૂપિયા પ્રતિ 10 ગ્રામના સ્તરે છે. ગઈ કાલે ચાંદી રૂ.72,826 પ્રતિ કિલોના સ્તરે બંધ હતી.

આ કારણે ભાવમાં વધારો

ભારતમાં ગુરુવારથી લગ્નની સિઝન શરૂ થઇ ગઇ છે. ભારતમાં લગ્નમાં સોના-ચાંદીના દાગીના આપવાનું વિશેષ મહત્વ છે. આવી સ્થિતિમાં, જો તમે પણ આ લગ્નની સિઝનમાં સોના- ચાંદીના દાગીના ખરીદવા જઈ રહ્યા છો, તો તમારે તેના માટે વધુ ખર્ચ કરવો પડશે.

આંતરરાષ્ટ્રીય બજારમાં આજે સોના અને ચાંદીના ભાવ શું છે?

આંતરરાષ્ટ્રીય બજારમાં સોના અને ચાંદી બંનેમાં ઉછાળો જોવા મળી રહ્યો છે. કોમેક્સ પર સોનું ગઇકાલની સરખામણીમાં 0.29 ટકાના વધારા સાથે $1,995.10 પ્રતિ ઔંસ પર ટ્રેડ થઈ રહ્યું છે. ચાંદીના ભાવની વાત કરીએ તો તે 0.33 ટકાના વધારા સાથે 23.76 ડોલર પ્રતિ ઔંસના સ્તરે છે.